Australia

singapur

2009-03-23T22:25:00.002+11:00

so, nochem erschte tag elai si, ha i mi raecht dra gwoehnt und gang bi elai uf d enteckigsreis, drei tag singapur, ha zwei tag lang sightseeingtour inkl. rivercruise gmacht und ei tag bi i uf sentosa gsi. ha also eigentlich alles gseh :)
singapur isch eigentlich au e ganz e cooli stadt, aber jo ei tag wuerdi au laenge :)
bi au in dene riese shoppincenter gsi, i glaub es het keins gaeh, wo i mi nit verlaufe ha :) hihi, aber i ha jo zum glueck e guete orientiergssinn und dr usgang immer widr gfunde :) kauft ha i nuet, kei platz, und au nuet gfunde wo mi umghaue het. s einzige wo i mir no wird kaufe, aber erscht wenni vo bali zrugg chum, bi denn nomol e tag do, aber denn mitem kolleg zaemme, wird e ipod si, dae bechunsch do vil guenstiger, und ich bruch au eine :)
morn ha i do dr letschti tag in singapur, do ich jez wirklich alles gseh und nuem weiss mache, gang ich scho am morge also so uf die 12i an flughafe, muesst erscht am 5i doert si. aber es het ebe e pool ufem dach vom flughafehotel wo me cha nutze und dass machi notuerlich :)

2009-03-21T21:39:00.002+11:00

ha no schnaell welle sage, wenn ich jez def. zrugg bi.

soett jez keini aenderige me gaeh :)

2. April 2009 uf die 09.50 chum in zueri a........

Goodbye Australia

2009-03-21T21:14:00.002+11:00

ich mag gar nit schriebe.... bi jez scho in singapur, und no voll in gedanke bi australie....

die letschti wuche byron bay, isch eifach zu perfekt gsi, ich glaub mit abstand die tollschti zyt vom ganze trip, eso dass me sich halt gar nit so freut zum witergo....

sin in dr letschte wuche halt eifach tagturs no am strand gsi, zobe chli go partymache, haen aber doch au gmuetlichi oebe ka, und das eifach no mit super luet zaemme..... sisch richtig hart gsi mi muesse z verabschiede, de merksch denn eifach, dass jez denn alles ume isch, obwohls doch erscht agfange het....

ou man :(

z brisbane, bi ich denn nur no e halbe tag gsi, ha in byron bay chli verlaengeret :), doert ha i denn au nomol zuefaellig 2 maedelstroffe wo i kennt ha und ha denn eifach no dr letschti obe in southbank mitem Blick uf d Skyline und ere schachtle tim tam gnosse.

Am flughafe ha i denn daenkt, do bi ich falsch.... normalerwies, schlof ich jo au 90% vom flug, die acht stund, ha i kei aug zue gmacht... do goht eim no so vil dure kopf.
isch glaubs richtig guet, dassi no e abstaecher uf singapur und bali plannt ha, denn cha i mol e teil scho verarbeite :)

SINGAPUR

jo jez bi i do in singapur... halt elai... aber dismol wirklich elai.... das isch jo ganz schoen doof... ok ha huet au nonig so vil gmacht, bi nur uf sentose, dass isch sone vergnuegigsinsle, naja, het mi jez nit so umghaue, aber d fahrt zu de insle mit de cablecars, au luftseilbahn gnennt, isch ganz cool gsi, ha d skyline vo singapur gseh, au wenns chli vernaeblet gsi isch.

fuer morn ha i denn sone sightseeingtour plant, ha jo no drei tag zyt, cha alles guet ufteile :)
uf shoppe ha gar kei grossi luscht...
ha vo brisbane nomol es paeckli heim gmacht, aber nur 2 kg, und denn am flughafe, ha i e halbe schock becho, wo mi rucksack uf eimol 20kg gwoge het, unglaublich, ha eigenltich gar nit vil kauft, und immer wenni oebis kauft ha, ha i oebis furtgschosse, kei ahnig, wie ich das wieder gschafft ha.... :)

jo und uf bali freu mi jez au, ha jez aendlich es hotel buecht, und ein wo mit mir in dr schuel gsi isch, dae chunt genau e tag spoeter a, isch no cool, denn bi ich doert au nit elai :)

Gold Coast - Byron Bay

2009-03-15T18:58:00.002+11:00

hallo

so jez ha i de letschti hoehepunkt vo minere reis erreicht, i bi in byron bay, und do blib ich jez au fascht e wuche, denn gangi kurz zrug uf uf brisbane und denn gohts witer mit singapur und bali.

mir sin bis dohi jez mitem wickedcan umegreist, haen zwuesche brisbane und surfers paradies e stop uf stradbrokeisland, doert isch war grad dr cyklon dure gange, und s waetter isch gar nit toll gsi, aber es cha jo nit immer alles perfekt si :)

denn sin mir direkt uf surfers, bis jez haen mir au immer wild campt, het denn halt nit jede tag e duschi gaeh, aber me muess halt so kompromis do igo, gschlofe haen mir denn uf parkplaetz uebernachtet, notuerlich moeglischt noch am nachtlaebe :) het do au imer so oeffentlichi toilette am strand und wenn mr glueck ka haen au duschene :) gaesse haen mir immer an so bbq stelle, isch cool, sin voll organisiert :)

in surfers sin uns denn au nomol es paar cho bsueche wo mir uf unserer reis scho mol troffe haen und denn haen mir au mol bi dene mit richtige haerdplatte in dr kuchi choene choche, isch au wiedermol agnaehm gsi :)

jez bi i grad byron bay, byron isch super toll, e mega schoene strand und richtig vil los zobe, sind do 9 luet, wo sich do alli immer wieder troffe haen und isch wirklich luschtig, und morn choeme denn nomol 4 stk. drzue :) sind huet grad in nimbin gsi, isch sone hippiedorf im hinterland :)

do relax ich jez nochli bevors wieder witergoht, isch dr perfekti ort zum das ganze australie abzschliesse :)

aber s goht halt scho alles vil zschnaell wieder vrbi.

ahjo unsere simpsonvan haen nit mir usgsuecht, aber mittlerwile finde mir ihn au richtig cool, mir sind do e richtigi attraktion alli mache vo uns foeteli :)

so das ganz kurz vo mim witere trip ;)

Fraser Island

2009-03-07T20:40:00.003+11:00

Halli hallo

jez bi i huet grad vo fraser island zrugg cho, isch die groschti sandinsle vo dr waelt und wirklich schoen, s meer isch super und die see wos doert het, voll klars wasser und teilwis no so gold, rot und blaus wasser, seht crazy us, ha welle d foetli uflade, aber het irgend e faehler azeigt, jez ha i do halt eifach so internetfotis, damit ihr euchs echli choene vorstelle.

jo und denn haen mir no das beruehmte schiffsfrack gseh und halt eifach d umgebig, alli stroose voll us sand, cha me sich fascht nit vorstelle, es seht dr hammer us, isch wirklich mega schoen.

sind mitem auto so voll am strand am meer gfahre ufem sand, isch huere geil gsi, haen denn notuerlich au e platte ka, aber fuer das gits jo maenner :)

eigentlich waer tour 3 tag gange wo i buecht ha, s het aber zwenig luet ka, denn sins nur 2 tag gsi, ha denn e teil vom gageld zrug becho und ha doerfe inere sonere mega luxus kabine schlofe und alli andere im zaelt, hihihi :)

und denn bi i notuerlich no ganz stolz uf mi, dassi d ueberfahrt zur insle mit de faehri, wo 45minduurt het, ohni mini reisetablette ueberstande ha :)

s aesse isch au dr hammer gsi, eifach super, ha i widrmol oebis richtigs ufe tisch becho :)

huet znacht ha ichs denn wieder veraut, ha nur e magnum gaesse, ha kei luscht ka oebis z koche :)

jez bi grad wieder ufem feschtland in hervey, das isch e chleins doerfli, nuet bsunders, eifach e mega schoene strand, aber i gang morn am morge jo scho widr witer uf brisbane zur eva, sind doert zwei tag und ab denn haen mir de wicked camper bis zum 16. maerz. wird cool, denn blibi no bis zum 18. in byron, gang denn uf brisbane zrugg, wohrschinlich no in australia zoo vom steve erwin. mal schauen. und am 20. maerz uf singapur

20. maerz hey nei, mini ferie sind jo scho fascht wieder ume, ungaublich wie die zyt vergoht, sisch wahnsinnig.

und will die zyt halt au so schnaell vrgoht, und ich gfunde ha, dass chas jo nit si ha ich grad no oebisz drzue buecht :)

BALI...... ich komme...

jo i has schnaell muesse uebertriebe :) jo nei, i ha eifach daenkt, wenni in daem ecke scho bi, muessi schno no do hi , isch mega guenstig zahl fuer e flug irgendwie total 200$ und s hotel bechunsch am 20$ d nacht, voll guenstig, und dass mache do so vil, ali goen no in de letschte wuche uf fiji oder bali und ich bali wils vo singpur halt noecher isch :)

jo und denn chumi eifach wieder am 2. oder 3. april bi grad nit sicher heime... isch jo nur e wuche laenger :)

Whitsunday island

2009-03-04T11:44:00.004+11:00

halli hallo

uiuiui jez gits wieder vil zbrichte, obwohl, am liebschte wuerd ich schriebe: bilder sagen, mehr als 1000 woerter :)

also i bi zerscht do e tag in airliebeach gsi, was eigentlichg anz gmuetlich gsi, het e mega schoeni lagune do, wo me schoen cha relaxe, denn bi i jez do mit es paar luet gsi, wo i uf magnetic island kenneglernt ha, huet isch aber wieder abschiednaeh agsait, unglaublich, denn reisisch mit denne, e wuche ume, verstohsch di super, und denn muesch wieder abschied naeh, will alli chli anderi plaen, aber egal, defuer lernt me jo denne no neui luet kenne :)

bi vor zwei tag vo dr segeltour zrug cho, isch dr absoluti hammer gsi. aber ohni mini 3 tablette gege seekrankheit am tag, haetti dass glaubs nit ueberstande, aber so isch ganz guet gsi, bi eifach imer chli schloefrig gsi :)

haen 4 tauchgaeng gmacht in dene 2 taeg und ich bi eifach go schnorchle. und denn sin mir notuerlich no am beruehmte"whithaeven beach" gsi, dass isch jo eso mega schoen gsi, unglaublich, ha do es paar foeterli aghaent. haen denn no so luschtigi foeteli gmacht, isch wirklich ganz cool gsi :)

het do no es paar foeteli mehr:

http://www.facebook.com/album.php?aid=2018066&id=1402562307&l=1c346

denn ha i mit dr eva, wo ich do troffe ha, no plannt dassi die letschti wuche miteme "wicked camper" vom brisbane noch byron bay fahr, denn ha i dass au no gmacht. :)

jez bi ich huet nochli in airlie beach an der lagune, noch chli am usruehe, haen gescht unsere abschiedsobe ka und denn fahr i ueber d nacht noch hervey bay und gang denn am fritig fuer 3 tag uf fraser island zu allne gfoehrlich tier :)))

machets guet

kiss jeanny

Magnetic Island

2009-02-25T12:00:00.003+11:00

Es isch do eigentlich voll de schoeni ort, nur raegnets do und macht alles chli dueschter, aber das isch halt so wenn me do in dr raege zyt am umereise isch, i hoff ich ha glich nochli glueck und es wird besser :)

in cairns haetti wirklich no laenger choene verwile, das isch eifach voll das relaxte laebe doert, eifach super, het mol richtig guet do, noch all dene astraengende sache wo i gmacht ha. freu mi jez au mega do eifach ostkueschte durab z reise, user e 2 tagige segelturn und e 3tagigi tour uf dr groeschte sandinsle in australiae (fraser island) machi nuet me. nur no am strand umeliege und s nachtlaebe gniesse.

Huet haette mir eigentlich plant ka, zu viert miteme sone barbiecar umezfahre, aber s waetter het jo nit welle mitmache, waer aber glaubs mega luschtig gsi, sisch wirklich wie e barbie auto :)

denn isch au luschtig, ueberall triffsch wieder luet a, wo de irgendwie im outback, uf dr great ocean road oder suscht wo gseh hesch...

in cairns bi no in cape tripulation gsi, dass isch so de ort, wo dr regewald ufs meer trifft, isch au no ganz schoen gsi

2009-02-23T15:02:00.002+11:00

cairns isch eigentlich super, me cha sehr vil vo do us mache, isch eifach immer alles sehr tuer.

i bi go skydive (fallschirmspringe), isch super, esone tolls gfuehl, eifach dr hammer, cha i jedem nur empfaehle :)

denn bi no ans great barrier reef go schnorchle, was au unglaublich gsi isch... muess no d foeteli vo minere unterwasserkamera denn entwickle lo, mol luege wie die so usecho sind :)

i bi jez e wuche do, ha die paar sache gmacht und suscht isch do eifach dr perfekti ort, zum in usgang go, do lauft jez wirklich jede obe oebis und wirklich richtig guet. am tag dure chasch denn do nit so vil mache, aber kei wunder, do sind alli eher nachtmensche, i gang am tag dure eifach maengisch and lagune go bade oder i schlof dr ganzi tag :)

morn gohts ab noch magnetic island, au chli go relaxe :)

Diverse Fotos

2009-02-23T14:52:00.003+11:00

do ha i jez eifach no es paar foetli mit tierli ufeglad,e so haerzig und denn notuerlich au no mi hostfamily wo in manly ka ha :)

witeri bilder findet ihr unter:

http://www.facebook.com/album.php?aid=2017265&id=1402562307&l=63723

http://www.facebook.com/album.php?aid=2017270&id=1402562307&l=e0f8e

Alice Springs

2009-02-23T14:39:00.003+11:00

Mehr Fotos gibt es auf:

http://www.facebook.com/album.php?aid=2017267&id=1402562307&l=f8f80

2009-02-16T14:42:00.002+11:00

hello again
mi zyt isch huet sehr beschraenkt :-/
d outbacktour isch mega toll gsi, chli astraengend, jede morge am 4i ufgstande und am 6i mitere 2-3 stundige wanderig agfange und denn dr ganzi tag irgendoebis gmacht...
aber sisch cool gsi, haen e mega tolli gruppe ka und i ha vil neui luet kenneglernt, fuer dasses jez de erschti trip elai gsi isch, isches super gsi.
haen am afang im bus speeddating gmacht, dass sich alli kenneglernt haen und am valentinstag haen mir via funk mitere andere reisegruppe herzblatt gspielt :)
znacht haen mir imene swaeg dusse gschlofe, dass isch sone schlofsack mitere matraze.
trotz dingo, schlange und kaefer, noch daem ich all die tier gseh ha isch mirs am zweite obe nuem so wohl gsi, aber dr sternehimmer het mi ueberzuegt und i ha dusse gschlofe, znacht sind denn dingos um uns umegschliche, i ha zum glueck nuet gmerkt und ha tief und fescht gschlofe, haen si denn am morge nomol gseh. die mache aber nuet. und d schlange sind au keini giftige gsi, die haen angscht ka.
de urulu, kings canyon und kata tjuta, isch super gsi, eso schoen, eifach unbeschrieblich, dass muess me glaubs eifach emol gseh ha....
jez wuesse also alli wo dr naegschti urlaub ane goht :)
am flughafe ha i denn no dr raphi, wo mit mir in sek isch troffe, und uf dr tour de christoph, wo mit mir in manly ind schuel gange isch. mega cool gsi, si sind denn zwar ufere andere tour gsi, aber mir haen si immer zwuesche inne gseh, sau cool.

fuer die wos nonig mitbecho haen, mi reisepartnerin isch in adelaide ins spital, si het thombose, het doert muesse 4 tag blibe und wohnt jez fuer witere 10 taeg bi dr kollegin doerte. isch mega doof gsi, sau schad dass si jez nuem cha wieder reise. aber wenigschtens gohts ihre jez widr besser. und si cha heim in ihri vertrauti umgaebig cho.
ich reis jez elai wieder, aber wie gsait, bis jez isches kei problem. sisch notuerlich scho schoen wenn mr imer sone bezugsperson bi sich het, aber jez lerni au mol ganz elai zsi, oder jo ebe, elai isch mir do jo nie :)

jo i glaub das muess mol laenge, schrieb denn nomol wenni mehr zyt ha.

lg jeanny

2009-02-10T19:17:00.002+11:00

Hallo mini liebe

so ha wiedermol e mega ufregende trip hinter mir. sind uf de kangoroo island gsi, haen e super gruppe und e luschtige tourguide (siehe fotos) ka.

sin am erschte tag ufe bergli ufeglofe und die tolli ussicht gnosse und nochher sind mir no go surfe (foto), isch dismol nit so cool gsi, wil d welle sind eifach z chlei gsi, aber suscht gfallt mir surfe mega, isch wirklich cool, muess eifach no chli uebe :) denn sind mir uf d insle ubere gfahre miteme sone chleine schiffli 45 minute, i bi so froh wo ich daene acho bi, i bi fascht seekrank worde. uf dr insle sind mir denn nur no ane mega schoene strand gange go relaxe und zobe go znachtaesse.

s aesse isch uf dere tour de hammer gsi, mega fein....

zobe haen mir jeweils so spiele am lagerfuer gmacht, isch aecht cool gsi, wie in so alte schuelzyte :)

am zweite tag sind mir denn am morge go kajakfahre, dass seht eifach us als es isch, bi mit dr jaecky in eim kajak ghockt, sind am afang nur ziczac gfahre, und sisch huere astraengend, mini aerm haen so weh gmacht, no 45 minute flussufwaerts sind mir denn aendlich acho und unsere tourguide het uns echli ueber d landschaft verzellt... denn haen mir notuerlich wieder zrugg muesse. de tourguide het denn gfunde mir choenne nuem zaemme in eim kajak si, will mir z langsam sin, au gemein :) haen denn muesse mit maenner zaemme fahre, isch no cool gsi, nit so astraengend :)

nochdaem mr mitem kajake fertig gsi sind, haette mir notuerlich am liebschte e duschi gno, uns vom ganze schlamm und so z abdusche, nix da, nur eine dusche am tag und diese abends....

noch daem mir lunsch ka haen isches witer gange zunere vogelshow und de "remarkable rocks" das sind so mega tolli felse (foto) wo so mega schoen usgsehn. und spoeter sind mir no neuseelaendischi seeleue go aluge, die haen denn chli gstunke, sind aber haerzig gsi :)

zobe sind mir denn no go pinguin aluege und wieder ans lagerfuer.

am dritte und letschte tag, sind mir die australische seeleue go aluege, mega haerzig gsi (foto), und denn isch uns no chli ueber dere ihri laebenswis verzellt worde, sau cool, die schlofe 3 tag und sind denn 3 tag wach, in dene 3 tag naehme die bis zu 100 kilo seafood zuesich und d wibli sind abem 3 laebensjoor immer schwanger:) nochher sind mr bi de "little sahara" go sandboarde, isch wirklich mega schoen gsi, uf dere insler hets eigentlich uberall so mega pflanze und so und uf eimol sehsch nur wueschti, isch no cool gsi. doert sind mir denn au go sandboarde, ha jo scho daenkt, dass ich jez allne cha zeige, wie guet ich das cha, aber naja mit snowboarde cha me das nit so vergliche... aber isch glich luschtig gsi und echli sandig :)

denn hets lunsch gaeh und nochher sind mir nomol gemuetlich ane beach gange, het doert mega schoeni straend, wisse sand und tuerkis wasser wirklich mega cool.

damit mir notuerlich wiedr uf adelaide cho sind, haen mir wieder die bloede chleine boetli muesse naeh, dismol ha ich sone reisekranktheitpille vorher gno, suscht haet ich das glaubs nit uberlaebt :)

alos die tour isch jez wirklich dr hammer gsi, haen e mega tolli gruppe ka und tolli sache gseh und gmacht, aendlich widr echli sport gmacht und eifach de ganzi trip voll gnosse.

wo mir zrugg cho sind, sin mir nit in user hostel gange, de jaecky ihre fruend kennt do ebe eini und jez choenne mir bi ihre wohne isch mega cool, e gemuetlich zimmer, duschiWC normals brot zum aesse und eifach gemuetlich.

haen huet eigentlich nit gmacht, sind no so k.o. vo dere tour, haen doert nit vil choenne schlofe... au immer wieder uf die 7ni tagwach und zobe spot ins bett, oder bessergsait am morge wieder ins bett :)

morn goht jez no go delphine springe und denn gohts am donnschtig bis am sunntig ins outback.

waege de buschbrand do, muen dr euch keini sorge mache, mir isch nuet passiert und sisch jez au ume, het jez wirklich mega abkuehlt. aber letscht fritig isch halt wirklich mega heiss gsi, zobe am nueni hesch no s gfuehl ka e mega heisse foen blosst dich a.

bis zum naegschte mol...

Great Ocean Road

2009-02-06T19:16:00.003+11:00

Hallo mitenand

mmh, weiss gar nit wo afo, ha in de letschte taeg wieder so vil gmacht,isch unglaublich.

vilichts als erschts: wenni uf dene toure bi, ha i oftmals kei handyempfang, also entschuldigt mi bitte, wenni mi mol e paar taeg nit maelde due.

D great ocean road tour isch super gsi, die 12 apostels sind atemberaubend, wirklich eso mega schoen, de chasch gar nuem uf hoere luege, wenn de doert bisch. des witere haen mir eifach immer so schoeni landschafte agluegt, sind ine regewald, denn zue duzenti ussichtspuenkt glofe, i weiss gar nuem was vrzelle, isch eso vil gsi.

am einte tag haen mir no sone bergtour gmacht, also wanderig isches nueme gsi, sin doert halb ufeglaetteret, bi 42 grad 2h, i ha nochere 1h ufgaeh, sisch eifach z heiss, und ich ha mi nuem wohl gfuehlt und i ha daenkt bevor ichs gipfeli mach, los ichs lieber si, bi denne mit e paarne zrugg glofe. bis zu daem punkt wo mir glofe sind, haen mir scho e mega ussicht ka, vo daem haer isches nit so schlimm gsi.

i mag jo eigentlich scho eher s extreme, aber ebe, i will jo no 7 wuche witer reise :)

uf dr tour sind mir oebe 20 persone gsi, alles echli gmixt, bi dr backpacker wo mir denn gschlofe haen, isches denn scho nit immer so toll gsi, haen fuer 20 luet 2 duschene ka, und sisch scho so wit, dass mr an eim tag nit sind go dusche... i lern do scho chli mi eitelkeit abzlege, au was do d Wc-alage abelangt, schrecklich, aber ebe was duet mir nit alles fuers umereise :)

ahjo was au no zsage isch, mir haen jede tag am 6ti tagwach ka, das isch richtig hart gsi, und mit de fliege haen mir kaempft, eso vil vo dene uf eim hufe ha i jo no nie gseh, chasch nit mol in rueh aesse, hesch scho 5 vo dene uf dim broetli, haen uns jez sone fliege netzli kauft wo mir uns uebere chopf choene zieh, seht richtig sexy us :)

Momentan sind mr grad z adelaide, isch e haerzigs stadtli, mol nit so gross, wie die andere. duen jez do uns chli erhole :)

und morn gohts denn witer uf d kangroo island, doert luege mir au wieder d landschaft und d tierli a, kangaroo, wallabis, koalas, pinguin, seeloewe, robbe.... etc. denn mache mr doert no so wanderige, duen surfe und sandboarde, also die drei tag sind wieder richtig voll gstopft, aber isch cool :)

wenn mir zrugg choeme haen mir wieder ei tag in adelaide zum usruhe und am naegschte tag, dass waer denn de naegschti mittwuch, goen mir mit delphine go schwimme........... mega cool :) haen das gescht zobe no schnaell buecht..... freu mi scho mega....isch jo wohl dr oberhammer :))))))))

und nochher am donnschtig fliege mir denn uf alice springs und mache doert sone 3 tages safari ume uluru, die haen uns scho gsait, dass es doert nur buschwc und buschduschene git, oje, das git mir no oebis.... :)

jo und denn isch jo scho mit geburi am 16. und denn fliege mir vo alice springs uf cairns und mache denn d oschtkueschte, dass wird denn au mega cool :)

griessli jeanny

Melbourne

2009-02-02T20:02:00.004+11:00

Pic 1: Australian Open Melbourne

Pic 2: Base Backpacker in St. Kilda / Melbourne

Pic 3: Our teacher

Pic 4: Schoolmates

Pic 5: Jaecky, Janina, Jeanny

Am samschtig am morge isch d reis noch melbourne los gange, bi scho mega truurig gsi, manly und d hostfamily z verloh, ha mi irgendwie scho an das gany gwoehnt...

und irgendwie ha ich gar nonig choenne realisiere dass jey eigentlich no de spannenderi teil vom mim trip afoht, so an flughafe fahre, verbindet me imer mit heim go...

aber denn nochher in melbourne acho, bi i denn wieder happy gsi :)

ok haen denn gescht emol chli uns umegluegt, sind in St. Kidal isch de bekanntischti vorort vo melbourne und liegt grad am beach, super sach :) mir sin eigentlich de ganz tag do gsi.

und haen zobe s erscht mol im backpacker z nachtgaesse, isch no luschtig gsi, mir sind do mit unsere suppenudle acho und die andere haen sich alli do mega die menus kocht :) ok naegschtmol wuesse mir was mr ztue haen :)

am sunntig haen mir denn e sightseeing tour duch melbourne gmacht und haen no Groundtickets fuer d australianopen kauft, mega cool, mir haen denn eifach uns choene rund ums stadium ufhalte und doert hets eifach so grossi linwaend ka und aessensstaend und isch e super stimmig gsi, unglaublich. d aussies sind im schwizer look cho und haen voll mitem roger mitgfieberet.

isch wirklich e mega cools erlaebnis gsi. und mir haens fascht nit choene glaube dass mir wirklich doert gsi sind :)

s sf-faernseh haen mir denn augseh, aber die haen uns nit welle filme, will oeber vo uns echli zfescht umeghyperet isch :-)))))))) (sorrz jaecky)

jo und huete haen mir uns eigentlich uf d shopping tour unterwaegs gmacht. isch no hart, will irgendwie , weiss au nit, chauf ich do voll nuet, will i eifach kei platz im rucksack ha, also smuess mi jez wirklich mega ueberzuege.

und denn weiss au nie was, will do laufi chli wie sone surfergirl ume und deheim denn wieder nuem, isch wirklich nit eifach das ganze :)

morn gohts denn witer mit de great ocean road tour und aendi wuche sin mr denn z adelaide und uf de kangoroo island.

machets guet und bis gli

mutz

last day in manly

2009-01-29T13:08:00.006+11:00

so mini schuelzyt isch jez au scho ume, mmh isch schnaeller gange als mir lieb isch...

ha do so vil tolli luet kenneglernt wo i glaub scho raecht wird vermisse, i wird bim reise denn sicher au neue luet kennelerne, aber glich, ha mi an das easy-going laebe do scho raecht guet dra gwoehnt.

Haen huet grad no s abschlussaesse vo dr schuel ka, isch au mega cool gsi, het e mega tolli klass ka, eso multikulti :)

also schoene abschluss vo manly haen mir gescht no e paar delphine gseh wo ganz noch an strand cho sind, eso haerzig isches gsi.

gueti news about jaecky, mir choene zaemme go reise, bi mega froh, wil mir haen die ganzi reis zaemme plant und uns mega gfreut, und mir choeme halt so mega guet zaemme us, waer mega schad gsi wenns nit klappt haetti, wer denn scho elai gange, aber eso isches 100x besser :)

ahh jo oebis ganz wichtigs, mir sind jo am suntig in melbourne, finale vo de australian open, hoffentlich chunt dr roger ins finale, waer mega cool, git denn ei fescht, die australier finde de roger naemli au mega cool.

und jo dr witeri verlauf vo minere reis kenne dir jo scho ;)

so damit dir au echli oebis zum aluege haen due ich grad no e paar foeteli uflade...

--> an mini girls, machet doch au mol facebook, denn sind dir au imer ufem laufende was ich grad mach

Pic 1: Surfcamp

Pic 2: Schoolclass

Pic 3: Jaecky & me

Surfing in Cresent Heat

2009-01-27T15:15:00.002+11:00

hey my dears

surfcamp is over....
and surfing is so bloody cool....

Surfe isch gar nit so eifach wie i daenkt ha, aber ich has notuerlich trotzdem gschafft ufem surfbrett z sto, und es isch wirklich e mega geils gfuehl, besser als boarde, sisch zwar e tick astraengender (jez weiss i au wieso die surfer alli sone guete body haen) aber sisches waert. macht mega fun.

mir sind amene sone abglaegene ort gsi, wie gsait, kei natelempfang nuet, aber sisch e cools camp. sind oebe 80 luet gsi und haens alli mega guet zaemme ka. d wc und d duschene haen zwar z wuensch uebrig glo, aber i glaub an das muess i mi no uf mim trip gewoehne...

de strand isch wunderschoen gsi, naturbelassene, sind gany elai gsi, sich wirklich mega gsi, bi richtig fasziniert und freu mi scho mega uf die no so viele schoene ort wo i wird gseh....

zum surfe saelber haen mr so neopren/wetsuits a ka, waer suscht vil zkalt gsi, aber eso isch tiptop, hesch nochher schoen choenne in sand liege und s het eim nuet usgmacht will de azug alle sand abgfange het :)

zobe sin mr denne imer ane sone fuerstell gange und haen doert eifach echli party gmacht, isch wirklich no gmuetlich gsi und i ha nit emol vil muckestich :)
s aesse isch au super gsi, mmh alles eso BBQ maessig, mega fein.

am samschtig sind mir dr ganz tag go surfe und am sunntig sin mr nur am nomi gsi, will mir halt eifach nit haen uf die 7ni moege uf stoh, sind no vom vorige obe chli gschlaucht gsi.
sind denn uebere mittag uf sone baergli ufeglofe wos e mega schoeni ussicht ka het und am nomi nomol go surfe.
haen denn no muesse e halb stund warte bis d surfboards acho sind und denn haen mir daenkt, mir goen vorher echli go bade, mit de wetsuits isches jo schoen warm :)
ha denn wiene sone sexy baywatchnixe welle ins meer ine springe und bi denn bloederwis voll umgheit, ha e mega beule am bei :( het sone bloedi bode waelle ka...

spoeter sind mr denn go surfe, und d jaecky isch denn nocheme zytli use will si nuem het moege, e kurzi zyt spoeter haen mr denn no e surfcompetion gmacht, und si isch denn au no ueberredet worde zum mitcho. isch mega astraengend gsi, i bi voll k.o. gsi und nuem choene nochher... bi de jaecky isch leider oebis ungluecklichs passiert. si isch gsurft und wos wasser nur no oebe 30cm hoch gsi isch, isch si vom surfboard voll uf ihres knue gheit und het nuem chone ufstoh.
denn sin mol paar maenner si go hole und haen si mitem surfboard an strand gholt.

mir sind denn schlussendlich am samschtig vom 6i bis 12i znacht uf dr notfallstadion im spital gsi, jo vil haen si doert nit gmacht, si het wohrschinlich s usseband am knue agrisse.... und jo si het denn huet nomol zum arzt muesse und het muesse go e MRI mache, die sind sicher irgendwie nit sicher was es isch, muen denn morn nomol zum arzt go d ergebnis aluege. momentan lauft si an de stoeck. und do haen si leider nit so komfortabli stoeck wie bi uns deheim...
mir hoff jez eifach mega, dass es widr guet chunt bis zum samschtig und mir choenne zaemme go reise. s positive isch mir choene uns jez super imene spital verstaendige :)

jo wo mr denn zrugg zum camp sind, ha i voll nit choene schlofe, ha denn irgendwie das ganze no chli muesse verarbeite und bi denn no chli an die frueschi luft use go hogge...

isch wirklich sau bloed passiert und au dr zytpunkt, i hoff es chunt alles wieder guet.
und suscht gang ich denn elai go reise...

ich halt euch ufem laufende....

liebs griessli jeanny

School and something else

2009-01-22T14:58:00.005+11:00

Hey guys

hope you're going well?
i'm fine, yesterday i had 5 tests, listening, speaking, writing, grammar and reading. the grammertest was very diffcult, but the others were ok, i had 75%, i think that's ok. My teacher said, that my speaking and pronounciation are very well. i had just lern to use the grammar better. so i'm happy with this result. i'm positiv surprised :)
wowowowow

yesterday evening we went to the "steyne-Bar" it was Karaokenight and of course, i sung, but you know, i'm a bloody bad singer, so jaecky and daniel helps me :) it was very funny, we met a lot of peoples from other countries and could improve our english skills. it was a great night, we're staying there till 4 am, so today morning i'm stayed at home, i know, i should go to the school, but i was so tired.

Every night, we don't know what to drink, because the beer is so bad, and the other drinks are so small and expensiv, but yesterday an aussie-girl show us a good drink, i think when i tell you, you think we are a little bit crazy, but it's really good. They mixed us two beers with strawberryjuice togehter, and finished is the drink. it isn't a drink for boys, but girls like it.

so i tried to write in english, maybe it's not perfect, but i've tried it, that's the only important thing :)

Well, tonight i'm going to the biggest imax cinema of the world, we watch a film (oceanworld) and after this, of couse, we're going out ;)

Have a nice day

Kiss Jeanny

2 weeks over

2009-01-19T14:43:00.009+11:00

Hallo mini liebe

so jez isch scho wieder e wuche vrbi, unglaublich die zyt rasst nur so an mir vorbei. aber i freu mi au scho mega ufs reise, wie i euch jo im letschte post scho verzellt ha ha i mi reise partnerin scho gfunde, ha do grad no e chlins foteli drzue :)

unseri reis haen mir jez eigentlich fertig plant, sie seht wie folgt us:

Kennerversion: Mir fliege uf melbourn vor doert us mache mr d great oceanroad bis uf adelaide, Kangurooisland, zrugg uf adelaide, denn fliege mr uf alice springs, macher doert drei tag e uluru safari und fliege witer uf cairns, das isch am 16. feb. am mim geburi, bi denn am gliche tag in zwei staedt, und alli wo mi kenne, wuesse jo dass ichs denn jo au nit nur eimol due fyre :) witergohts denn uf cairns die ganzi oschtkueschte durab, doert isch eifach scho sicher, dass mr uf d magnetic island, fraserisland und whitsundayislands goen, was mr zwuesche dure no mach luege mr no, sicher mol alli staedt und die bekannt ortschafte aluege. vo brisbane flieg i denn no uf singapur und mach doert no fuer drei tag e stopover, d jacqueline fliegt denn aber direkt vo brisbane uf sydney und wieder heime.

Kurzversion: ich seh in drei moent 4 insle, fascht e ganze kontitnent bis uf ei staat, 6 Grossstaedt und noch vieles mehr :)

mmh, was ha i letscht wuche so erlaebt... i ha e tennisstund ka bi eim vo unsere klass, dae isch ebe tennisteacher und hets uns denn die wichtige sache zeigt ka. er het denn gmeint dass i no talent ha.... mmh mol luege oebi dae sport au no in mi wucheprogamm deheim cha ine drugge :)

s waetter naja.... isch nit eso de hammer, es isch scho warm im verglich vo dr schwiz, aber so 20 grad isch halt au nit so das wahre, es findet halt sehr do, und s waetter waechslet taeglich... es git taeg wo mega schoen sind um die 30 tag aber am naegschte isches denn wieder 20 grad, i faends besser wenns imer so warm waer :)

In dr schuel laufts eigentlich au super, haen letscht wuche alli e gsproech mitem lehrer ka, oeb me sich wohl fuehlt in dr klass und oebs s richtige niveau isch und do isch eigentlich au alles guet gsi und uf mi diplom freu mi scho am meischte, wenn denn doerte "pre-advanced" stoht. ;)

Ahjo am fritig zobe bi i ufem partyboat gsi vo dr schuel us organisiert, isch raecht cool, zwar echli e chleins boetli aber es isch sehr luschtig gsi :) nochher sin mr denn no ine club in sydney, mega cool gsi, isch so imene hochhuss gsi, aber gaege ufe isches offe gsi und jo het kei itritt koschtet und d musik isch au super gsi.

Am Samschtig nomitag sin mir denn uf sydney go shoppe, aendlich, bi mit dr jacqueline elai gange, damit mr e richtig gueti shopping tag haen choenne mache, isch nuet gsi, haen nueg kauft, voll gfruschtet sin mr gsi, sisch alles raecht tuer und jo als backpacker het me halt au nit so vil platz, janu git schlimmers.

am samschtig zobe ha i denn no e alte schuelkolleg wo mit mir ind sek isch troffe, isch luschtig, deheim wohnt er e dorf naebe mir und i ha ihn joore nuem gseh und in australie do schriebsch ei mol, und scho trifft me sich... isch halt alles mehr relaxter do :)

Am sunntig bi i bi de bluemountains gsi, isch wirklich sehr schoen gsi, sin durch e urwald wos hunderti wo giftige spinne und schlange etc. git... aber i kei einyigs tier gseh, nit emol e kaefer... also ihr muen wirklich kei angscht ha um mi :) aber isch wirklich e super tolle ort, seht wirklich cool us, so blau halt :) des witere sin mir no imene wildlife park gsi, und doert ha ich foetli mit kangoroos und koalas gmacht, wowowowoowowowowowowowowo, sisch so mega haerzig gsi, freu mi denn aber scho uf d kangorooisland wenn ich si in dr freie wildbahn wird gseh :)

ehm was gits no y verzelle... i don't know.... jo zobe goen mr meishten eigentlich no in pub oebis go trinke und go billard spiele, (das chani denn vilicht au richtig guet, wenni heim chumg:)) gescht haen mr mit australier gspielt, wo die alli kugele versaenkt haen, haen mir erscht eini ineglocht, do muen mr ues no bessere :)

Jo und huet zobe gangi wohrschinlich in sydney ins imax-cinema, we'll see

so jez ha i glaubs alles gschriebe wo i welle ha :)

wuesch euch no e schoens taegli

liebs griessli jeanny

p.s. naegscht weekend gang i denn fuer drei tag ine surfercamp, wo i denn aendlich mol surfe lern :)

Sydney, Opera House, Harbour Bridge, Bondi Beach

2009-01-12T08:03:00.002+11:00

hallo mitenand

do bi ich wieder :)
i hoff es goht euch allne guet? mir gohts eigentlich prima, ha do e gueti zyt und erlaeb vil, obwohl i euch jo maengisch scho echli vermiss.

jey verzell i mol am beschte vo mim weekend, mmh, weiss gar nit wo afo....

also mol e kurzyi zaemmefassig vo letscht wuche. d schuel isch tiptop haen e wirklich coole lerne und i daenk i lern au viel, i hope so :) noch dr schuel goen mr eignetlich meischtens chli an strand, obwohl i jo muess sage dass letscht wuche nit so das top waetter gsi isch, immer so um die 20 grad isch halt scho chli kuehl :) aber zum glueck het das abem samschtig besseret :)
jo denn zobe goen mr eignetlisch meischten ind "shark-bar" oder ind "steyne-bar" oebbis go trinke, isch no cool, die australier sin au so offe, dass de tagtaeglich mit dene ins gsproech chunsch, isch mr au sehr wichtig, do mir in dr schuel jo sehr vil schwizer sind.
aprospos schuel nomol, mir sind in dr klass 5 schwizer, 5 brasilianer, 2 argentinier, 1 duetsche. chli e scheiss isch eifach das die brasilianer und argentinier halt erscht 16 sind, und mr denn au nit so vil mti dene mache. egal, i bruch mi aenglisch in dr schuel, gaschtfamilie und im usgang teils teils.

denn ha i au scho e gueti kollegin do kenneglernt, au e schwizern, und mir sind jez unseri reis am zaemme plane, isch mega cool, das passt grad alles so mega.
Ehm jo denn am samschtig sind mir in sydney gsi, das isch jo sone mega geili stadt, mega schoen, sin ufem sydney tower gsi und haen wirklich ueber gany sydney gseh, isch wirklich mega schoen, i ka jedem empfaehle doert hi zgo :)
jo denn notruelich s operahouse, harbour bridget, darlin harbour, isch eifach e super kulisse, ha in eim tag 200 foetli gmacht, i know i'm a little bit crazy :) jo zobe sind denn mini fuess k.o. gsi, mir haen fascht nuem choenne laufe. ah no fuer die wibliche laeser, i bi nonig gsi go shoppe, es sind ebe no maenner drbi gsi und die mache das jo nit so gaern :)
waege daem gang i huet nomol und am samschtig.

Am sunntig ha ich und d kollegin (jacqueline) zwei australier troffe und haen e privati sightseeing tour ka und sind an bondibeach, the most famous beach. jo zu dene zwei australier, ihri schwester isch ebe vorem joor do gsi und kennt die sehr guet und si het gmeint mir muen di mol traeffe oder wenn mol oebis isch choene mir uns an die waende.

so jez muessi ufhoere will d schuel afoht.
machets guet.
kiss jeanny

Pre-Advanced

2009-01-06T12:20:00.002+11:00

Hey guys

just that you know, my english better than we've thougt, i'm in a high-level class:
pre-advanced.
is the 5th of 6 levels........

my school start at half past 8 and finish at a half past 2, it's great, so we can go to the beach after school, during the lesson i have a great view to the ocean, it's so nice :))))) the school is next door to the beach.

Have a good time
jeanny

First time in school

2009-01-05T10:30:00.003+11:00

Hoi zaemme

De Flug und alles ha i guet ueberstande und ha mi au scho guet bi minere hostfamily iglaebt. Mi aenglisch isch tiptop, ha jez grad dr tescht in dr schuel gmacht und bi gspannt ufs ergaebnis morn. isch unglaublich was me in elai zwei taeg scho lernt, trotzdaem schrieb ich aber lieber uf duetsch, me muens jo nit grad uebertriebe :)
Mi Family isch wirklich ganz naett, i bi doert wie imene hotel, ha scho 1000x mi hilf abote bim koche, abwaesche etc. aber erfolglos....
am flughafe ha i au die erschte luet troffe wo mit mir ind schuel goen, notuerlich schwizyer-girls, die einti macht zuefaelliger wis genau glich wie ich ei monet schuel und zwei monet reise.... do in dr schuel het eigentlich au nur schwiyer, vo 50 luet sind 40 schwizer. aber isch au agnaehm amigs widr mi eigeni landessproch z rede, in der gastfamilie red ich gnueg, si haen zwei meidli (11 und 14). i wohn doert mitere zweite stundetin us korea, die isch chli crazy, sait sogar d hostfamiliy, si redet fascht nuet und isch mega schuech und pennt s ganze weekend. ich has wirklich sehr guet mit ihne und fuehl mi au sehr wohl.
ha sehr vil geduld brucht zum das mail z schriebe, isch wirklich nit so eifach do ane pc zcho, muesch circa e halb stund warte, aber i hoff notuerlich glich dass i mi immer wieder cha maelde.
ahjo no oebis wo i unbedingt ha welle loswaerde, also vom schuelzimmer us seht me grad an strand und mir haen sunnigi 30 grad, sisch so schoen ;)
sodel jez wuensch i eu no e schoens taegli und bis zum naegschte mol...
griessli jeanny

2008-12-29T06:25:00.005+11:00

Ha mi an dere Stell nomol bi allne welle bedanke, wo am 27. mit mir mi abschied gfyrt hän, isch wirklich suuuuuupi gsi.

Unterm folgende Link no es paar föteli drzue:

http://www.facebook.com/album.php?aid=2012279&l=5def6&id=1402562307

Übrigens mi Rucksack isch packt, het vil närve brucht, will d hälfti muessi do lo, s het eifach kei platz.... :(

S rückt immer nöcher und ich sag jez scho:

BYE BYE SWITZERLAND................

..........................HELLO AUSTRALIA

I'll leave switzerland on the first of january in 2009

2008-12-04T16:36:00.001+11:00

Am 16.00 hebt s Flugzüg vo Züri nach Sydney ab....

Witer isch plant, dassi für ei Monet in Sydney bi dr gastfamilie blib und e intensivkurs in änglisch bsuech.

Nochher foht denn s grosse Abentür a :)

plant isch no gar nüt, s einzige wo i weiss isch wie d route sötti si und dassi für alles 2 Monet zyt ha und uf de Heimreis e Stop-Over in Singapur wird mache.
alles andere los ich eifach mol uf mi zue cho...
es söll jo himmerhin e abentür wärde :)

i bi meeeega gspannt uf die drei mönet und freu mi scho riesig uf die viele Sache wo ich dört wird erläbe.

Liebs Griessli
Jeanny